2025-mi
1. juulimi atuisunut akit
2025-mi
juulip aallaqqaataani atuisunut akit naleqqersuutaat tamakkiisoq ukiup siuliani ullormi pineqartumut naleqqiullugu 3,6 pct.-imik qaffariarpoq. Nioqqutissat immikkoortuini tamani qaffariaat atuuppoq, taamaattoq inuussutissanut ineqarnermullu tunngasut naleqqersuutip qaffariaataannut sunniutaat annertuneruvoq. Inuussutissanut akit 4,2 pct.-inik qaffariaateqartut ineqarnermut akit 5,8 pct.-inik qaffariaateqarput.
Ineqarnermut akinut qaffariaammi pingaartumik kiassarnermut aningaasartuutit qaffasissuunerannik tunngaveqarpoq,
akinullu naleqqersuummut tamakkiisumut tamanna sunniuteqangaatsiarpoq tassanilu aamma assartuinermi aningaasartuutit annertusinerat sunneeqataavoq.
Inuussutissanut akini qaffariaat pingaartumik kaffit, nersussuit immuinit nerisassiat neqaatalu akisunerulernerannik peqquteqarpoq.
Atuisunut akit naleqqersuutaat atuisut tamakkiisumik atuinerisa agguaqatigiissinnerannik uuttuuteqarnera
eqqumaffigissallugu pingaartuuvoq.
Tabel 1-imi uuttuutit takukkit.
Nioqqutissaqarfinni ataasiakkaani
akit tamakkerlutik allannguutaat akit naleqqersuutaannut tamakkiisumut annertunerusumik sunniuteqarsinnaanngillat,
soorlu atuisut ataasiakkaat aamma akit allanngornerat allatut misigisinnaagaat, atuisut namminneq qanoq atuisarnerat apeqqutaalluni.
Taamatuttaaq eqqumaffigissallugu
pingaartuuvoq 1. januaarimiit
1. juulimut akit qanoq inissisimanerat naleqqersuummi takutinneqarmat, taamatullu piffissap pineqartup iluani akit qanoq allanngortigisimanerannut
takussutissaammat. Saqqummersitamilu
matumani 2025-mi juulip aallaqqaataani akit tunngavigineqarput, taamaasilluni
juulip aallaqqaataannit ulloq saqqummersitsivissaq tikillugu akit allannguutaat ilaanngillat.
Titartagaq 1-imi takutinneqarput
qaammatit 12-it ingerlanerini
qaffariaatit pct.-inngorlugit.
Titartagaq 1. Atuisunut akit, qaammatit aqqaneq-marluk ingerlanerini qaffariaatit
procentinngorlugit,2021 juulimiit – 2025 juulimut
Najoqqutaq: https://bank.stat.gl/PRNPRISV
Nioqqutissaqarfiit ataasiakkaat ukiumi
kingullermi ineriartornerat
Nioqqutissanut kiffartuussinernullu atuisunut
akit ineriartornerat nioqqutissaqarfiit ataanniittut ineriartuutaannit tunngaveqarpoq.
Atuisunut akini naleqqersuummi Ineqarnermut atortut nioqqutissat appariaateqarnerpaasimapput, Ineqarnermullu
tunngasut nioqqutissat qaffariaateqarnerpaasimallutik. Ineqarnermut
aningaasartuutini qaffariaat
kiassarnermut aningaasartuutit
annertunerulernerannik ikummatissalu
akisunerulernerannik, ineqarnermi
aningaasartuutinut sunniuteqagaatsiartunik,
peqquteqarpoq.
Titartagaq 2. Piffissami 2024-mi juulimiit
2025-mi juulimut nioqqutissat
immikkoortitikkat ukiumut allannguutaat, procentinngorlugit
Najoqqutaq: https://bank.stat.gl/PRNPRISV
Malugiuk: Nioqqutissat
assigiinngitsut atuisunut akinut naleqqersuummut sunniutaat takutinneqarpoq Akit nikissimanerat aamma qanoq oqimaalutarneqarsimanerat
tassani apeqqutaavoq.
Atuisunut akit
ukiup affaani ineriartornerat
2025-mi
januaarimiit 2025-mi juulimut
atuisunut akit 2,3 pct.-inik qaffapput. Ukiup affaanut qaffariaammi ikummatissat akiinik qaffaanerit, ineqarnermi kiassarnermut assartuinermilu aamma aningaasartuutinut sunniuteqagaatsiartoq,
peqqutaanerpaavoq. Taakkulu
akit qaffasissusaannut tamakkiisumut annertuumik sunniuteqarput.
Atuisunut akini ukiup affaanut allannguutit 2020-mi juulimiit
2025-mi juulimut titartakkat
pingajuanni takutinneqarput.
Titartagaq 3. Atuisunut akit, ukiup affakkaarlugit allannguutit procentinngorlugit,
2021 juulimiit – 2025 juulimut
Najoqqutaq: https://bank.stat.gl/PRNPRISV
Titartagaq 4. Piffissami 2025-mi januuarimiit
2025-mi juulimut nioqqutissat
immikkoortitikkat ukiumut allannguutaat, procentinngorlugit
Najoqqutaq: https://bank.stat.gl/PRNPRISV
Malugiuk: Nioqqutissat
assigiinngitsut atuisunut akinut naleqqersuummut sunniutaat takutinneqarpoq Akit nikissimanerat aamma qanoq oqimaalutarneqarsimanerat
tassani apeqqutaavoq.